燒山：7月1刺傷警員再自殺慘劇 分析事件來龍去脈！未來的危險和我給大家的勸告

[FreedomHash]

7月1刺傷警員再自殺慘劇 分析事件來龍去脈！未來的危險和我給大家的勸告〈蕭若元：蕭氏新聞台〉2021-07-02
https://www.youtube.com/watch?v=KpyVcX1lEg4 (Invidious)

蕭若元：

有一個人去自殺，而去自殺之前對警員作出攻擊。首先，我哋並唔能夠鼓勵啲樣嘢，因為嗰個人死咗喎，你要唔要鼓勵佢去死呀？你見到人哋去跳樓你都要拉住佢啦，就算嗰個人因為憂鬱去跳樓，佢都可能有個70幾歲嘅老竇老母，人哋既家人會好傷痛，呢啲人有時勸喻係冇用，但係你留意吓如果你身邊有啲咁嘅人，你勸佢睇吓醫生有時食下血清素呢啲情況會有改善。所以斷定絕對不能鼓勵一個人去自殺！呢個係完全錯誤嘅嘢！而且你哋隨機搵一個警察去攻擊係一個唔啱嘅嘢。香港有三萬幾個警察你係咪可以話俾我聽全部警察都係抵死？呢個係完全唔合乎邏輯嘅嘢！嗰個警察都有老竇老母個喎，嗰個PTU可能未參加過鎮壓示威，好多警察都冇郁手個喎。

好似番禺呢個炸彈去咗委嗰啲係報仇，報仇就係針對嗰個人做咗某啲嘢，報仇雖然法律所不容，但因為大家都覺得人係有權報仇，但係呢個警察唔係同你有仇，大家要講清楚嘅道理。仲有咁一係會令到成個香港社會、令到留喺香港嘅人好難過，亦都因此令到其他人被捕入獄受到極大嘅騷擾。仲有咁樣做係對香港爭取民主自由毫無幫助，你殺十個八個差人習近平會驚？人哋眉頭都唔皺一下，反而係加強對你哋嘅鎮壓，亦都得唔到國際上嘅支持，佢哋至多只係會理解，覺得可惜。但係冇人會支持呢D行動係呢個世界上，對爭取國際支持毫無幫助。

各位做好準備，嗰啲五狗熱狗唔好再情緒勒索話人做逃兵，事實上留喺度就係做唔到啲乜嘢。所以連登好快就會收皮，因為呢啲嘢成日喺連登上得到支持。有人咁樣自殺，如果有啲人見到咁樣樣之後拍手掌支持就只會令到更多人會學習咁做，殺君馬者道旁兒，你繼續拍手隻馬跑快啲最後死埋，最後家庭因為咁而破碎，我問你，你個心入邊過唔過得去？

[FreedomHash]

「好似番禺呢個炸彈去咗委嗰啲係報仇，報仇就係針對嗰個人做咗某啲嘢，報仇雖然法律所不容，但因為大家都覺得人係有權報仇，但係呢個警察唔係同你有仇，大家要講清楚嘅道理。」

可以爲一個人報仇，咁爲成個社會報仇？

[Wetdiet]

我支持蕭若元講既，你哋香港人而家唔好送頭，中共而家已經係頭痛斬頭，腳痛斬腳，包子日漸激進，非常有可能羅香港開刀，你哋唔需要正面衝突，諗計積極不合作就得

[舊使用者]

@wetdiet

好耐不見。

其實香港不少反賊有鋤奸隊心理，相比權力頂端的北京當局，更痛恨對自己同胞下狠手的所謂本地黑警。畢竟前者並未直接欠下血債，後者多數卻爲港人自己。

另外我想聽聽你們伊斯蘭對於獨立建國的看法，我個人是不反對少民獨立建國的。這點先說在前面。

只是回民要在何處建國？全部退到今天的寧夏回族自治區麼？